| تبليغات | X |
سون یازیم منیم
بو وبین یولا سالما فیکرینه دوشنده اورکیم سئوگی ایله دولویدو. بیرینی سئویب کونلومو اونا وئرمیشدیم. اونون عاشقی ایله وبی یولا سالیب یازماغا باشلادیم. من بئله دوشونوردوم کی اونون کؤنلونو آلمیشام ، ظن ائدیردیم کی اودا منی سئویر ، آما بیلمیردیم من اونو سئودیگیم کیمی او منی سئوه بیلمز !!!
آرامیزدا سؤز آیریلیقدان دوشدو. زامانین زور اولدوغونا ، یاشامین آجیلیغینا، روزیگارین چیرکین لیغینه باخمایاراق چالیشدیم اونو اونودوم. تام چالیشیردیم قوجا فلکین بئلین یئره ویریم آما ...
نئچه گون اؤنجه ، بیر اولدوغوموز یئرده ، باخیشلاریمی باخیشلاریندان گیزله ییردیم. یاخشی بیلیردیم باخیشلاریمین باخیشلارینا ساتاشماسی چالیشمالاریمین هامی سینی هئچه وئرر. داها کونلوم بیر قوجاق سورغویلا قارشیما چیخاجاق و من هر ندن عاجیز قالاجام.
کندیمدن کئچدیم، بیرداها قاپیسی نا دؤندوم.
آما نه فایدا. دوغرو دئمیشلر اؤرک یانسا گؤز آغلار، آما من اؤزومدن باشقا بیر آغلار گؤز گؤرمه دیم.
بو گون کونلومله بیر قرارا گلدیم:
بو سئودایا سون قویاجایام!!!
کؤنلوم موتلو بیر عاشق ایسته ییرسه بو گرچه کی اونوتمامالیدیر؛ موتلو عاشق دیلنچیلیک ایله اله گلن قارا پول دگیل.
سارادان هئچ بیر ایسته کیم یوخدور آرتیق اومودلویام کی منی بو سون کره قاپیسینا دوندوغوم اوچون قیناماسین.
بو گون هر گوندن آرتیق تانریما شکر ائده لیم ، قسمتی نه اولورسا من اونا باش قویاجایام.
وئبین اوخوجولارینین هامیسی نا سون سوز خوشلوقلار دیله ییرم.
بو وب داها آپ اولمایاجاقدیر
علی
من سنین ان چوخ سسینی سئودیم
بوخارلی اکثر زامان، بیر اکمک[1] کیمی
اؤنجه عشقه چاغیران، سونرا دینلندیرن
منه هر زامان دوست، هر زامان سئوگیلی
من سنین ان چوخ اللرینی سئودیم
بیر بولاق سرین لیگینده، کیچیک و آغ پاک
بیر چوخ گوزللیک لر گؤردوم یئر اوزونده
ان گوزلی بیر سحر اللرینله اویانماق
من سنین ان چوخ گؤزله رینی سئودیم
گاه چوجوقجا ماوی، گاه عینادینا یئشیل
آیدین لیقلار،ساغلیقلار، گؤزل لیکلر
هئچ بیری گؤزله رین قدر آنلاملی[2] دئییل
من سنین ان چوخ گولوشونو سئودیم
سئویندیرن ایچیمده اومید چیچکله ری آچیران
اونوتدورور منه بیردن آجیلاری، گوجلوکله ری[3]
دونیام آیدینلانیر سن گولدویون زامان
من سنین ان چوخ داورانیشلارینی[4] سئودیم
گوجسوزه مرحمتینی، ظالیمه دیره نیشینی
حاق سیزلیق لار، زوربالیقلار قارشی سیندا
وحشی و مغرور بیر دیشی قافلان کسیلیشینی
من سنین ان چوخ سئوگی دولو اوره گینی سئودیم
بوتون اوشاقلارا قاناد گرن آنالیغینی
چوخلو سئوگیله رین بیر پولا ساتیلدیغی دونیادا
سنسن، هر شئیین اوستونده توتان سئودیگینی
من سنین ان چوخ منه قاییتمانی سئودیم
منده یئنی دن وار اولمانی، منیمله بوتونلشمه نی
مردلیگینی، یالان سیزلیغینی، دوپ دورولوغونو سئودیم
من سنی سئودیم، من سنی سئودیم، من سنی ......
اومید یاشار اوغوزجان
[1] . یئمک، چؤرک
[2] . معنالی
[3] . فشار آلتیندا اولماق، چتینلیک چکمک
[4] . رفتار
.....
سن اونوت دئميشدين
منده اونوتدوم ...
ياشاتديق اؤمورده نئچه سوالي
دوستلارين «نييه»سي جاواب سيز قالدي
جسارت ايسترديم ايچه سوالي
او نه منده اولدو
نه سنده اولدو
بير آخشام اللرين گؤيرچين كيمي چيخدي اليمدن
باهارا بو شاختا هاردان دوشدو،
چمنلر سارالدي،
گوللر بوزوشدو
آتيلدي ديليمدن «قاييت!» نيداسي
سن اوندا كولك لر آپاران قاييق-
منسه تنها قالان حسرت آداسي .....
اوزاقدا دئييلدين،
يولون بير آدديم
ووقاريم قويمادي بير آدديم آتيم
سن ائله بيليرسن قورتاردي هر شئي؟
سن اونوت دئميشدين
منده اونوتدوم ؟؟؟!!!
من کي سن دئييلم…!
اونوتمادي گوزلهريني گوزلهريم
منيم گوزوم، سنين گوزون دئييل کي
او يئرلهري ناخيشلايير ايزلهريم
منيم ايزيم، سنين ايزين دئييل کي
يالانلارا اويرتمه ديم ديليمي
منيم ديليم، سنين ديلين دئييل کي
هر يئته نه اوزاتماديم اليمي
منيم اليم، سنين الين دئييل کي
اوچوب گئتدين، سازاق دوشدو کونلومه
منيم قلبيم، سنين قلبين دئييل کي
سن گولوش چون يارانيب سان، اينله مه
منيم غميم، سنين غمين دئييل کي
سن قارالتدين، من آغارتديم ساچيمي
منيم ساچيم، سنين ساچين دئييل کي
ائشيدنلر باغيشلايير سوچومو(۱)
منيم سوچوم، سنين سوچون دئييل کي
يئره دوشدو، اودلو سوزوم کوزردي
منيم سوزوم، سنين سوزون دئييل کي
قارشيلاشديق، ديل سوسدو، اوز قيزاردي
منيم اوزوم، سنين اوزون دئييل کي
سن يولونو دييشديردين بير سحر
منيم يولوم، سنين يولون دئييل کي
بو هيجرانا دوزه جه يم بير تهر
دوزه جه يم، هيجران اولوم دئييل کي…!
نصرت کسمنلی
۱.سوچ : گناه
دئيير لر بير گون اولاجاق
آغيز آچاجاق شيکايته بوتون اعضا لاريم
اللريم قوللاريم
ديليم دوداغيم
گوزوم بارماغيم
قورخمورام کي...
قورخوم بودور بير گون آغيز آچا شيکايته
يازيق وطنيم . . . . . . . .
دلي بير آغلاماق کئچير کؤنلومدن
کؤنلونه ديديگيم، اينجيتديگيم قيز
ووقار کؤلگه سينده ياتديغيم بسدير
اودلو ياناغيندان سو ايچديگيم قيز
بو قدر گوناها باتديغيم بسدير
داها دوداقلارين تيترمه سين قوي
من سنين قارشيندا تيترگيم، اسيم
سندن دونيالاري ايستهميرم يوخ
مني باغيشلاسان بسيمدير بسيم
جان دئسن آليشيب يانا بيلهرم
دؤن دئسن يئريمده دونا بيلهرم
ايندي بيلميشم کي عؤمور-گون گئدير
ان گؤزل حيسلريم کؤچور کؤنلومدن
قاييت! سن عؤمرومه تزه ليک گتير
دلي بير آغلاماق کئچير کؤنلومدن...
نصرت کسمنلی
كــــــوچه
گئجه آی چیخمیشیدی
منیدیم بیرده او کئچمیش کوچهلر
بیرده تمام خاطیرهلر منله برابر
گینه غملر اورگیمده قالانیردی
گینه سنلن او کئچن خاطیرهلر یاده دوشوردو
او گؤزل خاطیره لر آیدینا گلدیکجه گؤزومده
آلیشیب اوددا یانیردیم
دانیشیردیم آییلا ، اولدوزايله ، چایلا ، چمنله
آی او گونلر کی گزیردیک بو داریش کوچه ده سنله
آیاغیم کوچه یه چاتدیقجا اورک دردینی دئشدی
اوتوروب سئیر ائله دیم خاطیره لرده ؛
گؤزیاشیم خاطیره لر تابلوسینا باخدی تؤکولدو
سئل کیمی آخدی تؤکولدو
او گؤزل گونلریمیز یادیما دوشدو
سنی آختاردی گؤزوم پنجره لرده
سونرا ایتگین ایتیرنلر کیمی قاشدی
او زامان سن دولانان یئرلره باخدی
آمما بوش یئرله ساتاشدی
یئنه غم کاسه سی کؤنلومده جالاندی
یئنه کؤنلوم یارالاندی
نه گؤزل گونلریمیز سنله واریدی او صفالی کوچه ده
حیف او سئودا ، او محبت بئله نیسگیللی قورتولدو
نئجه تئز عشقیمیزین یاسی دوتولدو
نئجه تئز خوش گونون عومرو سونا گلدی
نه بیلیردیک؟ بئله دووران دؤنهجکمیش
نه بیلیردیک؟ کی بوتون آرزولار ایمکان اولا بیلمز
نه بیلیردیک؟ یانار اودلار سؤنه جکمیش
حیف اولدو، او گؤزل خاطیره لر دؤندو غم اولدو
نه گؤزل فیکرو خیالیله یاشاردیق
گله جک گونلریمیزدن سؤز آچاندا
بوروشوردوک گولیله ، چایلا ، چمنله
آرزولارلا قاریشاردیق ، ساواشاردیق ، باریشاردیق
نه گؤزل دیر بیری نین کؤنلونو آلماق
قولونو سئوگیلینین بوینونا سالماق
سارماشیقلار کیمی شوقیله ساریشماق نه گؤزل دیر
هردن هردن اوتوروب فیکره دولاندا
او عزیز خاطیره لر یاده دوشرلر
گؤزو یاشلی یاغاجاق بارلی بولودلار کیمی دوللام
دییه رم هئچ گؤره سن بیر دوشه رم یادینا منده
گول آچار سنله کئچن گونلریمین یادی سینمده
شوقیدن گوللریم ایستر کی آچیلسین
آچمامیشدان ولی سوللام
نه دئییم کی منه گول وئرمه لرین یاده دوشنده ده لی اوللام
اوتوروب آغلاشارام خاطیره لر له
نئیله مک سن بئله سئودین
منده سن سیز یاشارام خاطیره لرله
من دئییردیم کی محبت گولونون رنگی سولانماز
نه بیلیردیم کی سولارمیش
نه بیلیردیم کی فلک بئیله قویارمیش
منی سن سیز سنی من سیز
خسته کؤنلوم گینه سن سیز نئجه حسرتلی سیزیلدار
کاش بیلیدین بو سینیق سازدا نه لر وار
آمما سن هاردان بيلرسن
بیر مثل واردی دئیه رلر کی اورک یانسا گؤز آغلار
سنین آمما اورگین وارسادا داشداندی ، دمیردندی نه داشدان
کیم گؤروب؟ گول گویهره سولموش آغاجدان
بسله میشدیم سنه بیر شانلی محبت
کؤنلومون آیناسی آمما داشا گلدی
شوشه تک پول پول اولوب دوشدو داغیلدی
باشلادی سولماغا گوللر
بختیمین ترلانی دا اوچدو باغیمدان
کؤچهری قوشلاریله گئتدی قوتولدو
بیلمه دیم؟ هاردا دوتولدو
ائله بیر اینجه کؤنول صاحیبی آنجاق کی من ایدیم
ائله بیر قاینار اورک کی اؤزو سیندی
سنی سیندیرماق اوچون اولمادی مئیلی
سنده سئودین قالا یالقوز ـ قالا حسرتلی گیلئی لی
نه بیلیردیم؟ بئله سئومک ده اولارمیش
نه بیلیردیم ؟ کی محبت گولونون رنگی سولارمیش
نه ببیلیردیم ؟ نه بیلیردیم ؟
عبد العلی آیرملو ـ وفا
رافت ال روماندان بیر گؤزل ماهنی
Yerine Kimseyi Koyamadim
Hangi yolda yürüyorsam
Hep
Deli divaneyim aşk seferi oldum
Sensiz zaman
Sandiğimdan daha zor
Daha aci geçti
Yok, yok şu ömrümde
Bir seni sevdim
Çok, çok zaman geçti
Yerine kimseyi koyamadim
Kıyılarım dalga dalga
Ufuklarım uzar gider
Bir yanar, bir söner
İçimdeki yangın
Belki o gün, bugün diye
Yollarına laleler ektim
Özlemin gözlerimde büyüyor
Her günümde
Yok, yok şu ömrümde
Bir seni sevdim
Çok, çok zaman geçti
Yerine kimseyi koyamadým
ملیک خانیمدان ایکی گوزل ماهنی
سنين خيالين
داريخير چيچکلر، گوللر سنسيز
شيرين ناغيل اولوب، ايللر سنسيز
اونسوز ده قلبيمده قالميسان منيم
گونشسن عشقينله آيا دؤنموشم
دنيزسن من جوشقون چايا دؤنموشم.
گل سني گؤزله يير سئون اورک
قلبيندن اسمسين سويوق کولک
اونسوز دا قلبيمده قالميسان منيم
يوخومو گؤزومدن آلميسان منيم
عشقيني اوخويوم گؤزدن گؤزل
آيريليق آييرسين بيزدن گؤزل
اونسوز دا قالبيمده قالميسان منيم
يوخومو گؤزومدن آلميسان منيم
سؤز: ت.موتلليبوو
SƏNİN XƏYALIN
Darıxır çiçəklər, güllər sənsiz
Şirin nağıl olub, illər sənsiz
Onsuz də qəlbimdə qalmısan mənim
Günəşsən eşqinlə aya dönmüşəm
Dənizsən mən coşqun çaya dönmüşəm.
Gəl səni gözləyir sevən ürək
Qəlbindən əsməsin soyuq külək
Onsuz da qəlbimdə qalmısan mənim
Yuxumu gözümdən almısan mənim
Eşqini oxuyum gözdən gözəl
Ayrılıq ayırsın bizdən gözəl
Onsuz da qalbimdə qalmısan mənim
Yuxumu gözümdən almısan mənim
Söz: T.Mütəllibov
بو دا بير عؤموردور
بو يئر گولشن اولار، بيرجه گول اکسن
يارپاقدان سوزولن ساري کولکسن
اليني منه وئر دونياما گلسن
عؤمرون باهار اولار ياشايا بيلسن.
من سنه باهارين دئسم آز اولار
سنينله کؤنلومده تزه ياز اولار
بختيمه گونشسن، عؤمرومه گونسن
عؤمروم باهار اولار، ياشايا بيلسن.
باخسا پنجره دن ساري يارپاقلار
گؤزونده قالارسا، مئشه لر، باغلار
يئنه سنينله يهم تکچه دئييلسن
عؤمرون باهار اولار، ياشايا بيلسن.
سؤز: ر.مممدزاده
BU DA BİR ÖMÜRDÜR
Bu yer gülşən olar, bircə gül əksən
Yarpaqdan süzülən sarı küləksən
Əlini mənə ver dünyama gəlsən
Ömrün bahar olar yaşaya bilsən.
Mən sənə baharın desəm az olar
Səninlə könlümdə təzə yaz olar
Bəxtimə günəşsən, ömrümə günsən
Ömrüm bahar olar, yaşaya bilsən.
Baxsa pəncərədən sarı yarpaqlar
Gözündə qalarsa, meşələr, bağlar
Yenə səninləyəm təkçə deyilsən
Ömrün bahar olar, yaşaya bilsən.
Söz: R.Məmmədzadə
سني اونوتسام...
من سني اونودا بيلميرم، آخي
اونوتسام نه لري اونودام گرک
گؤيلره باخميشيق آيلي گئجه ده
اونوتسام گؤيلري اونودام گرک!
دنيزي اونودوم، يا دالغالاري
خاطيرن ياديمدان چيخايدي باري
پاييزدا خزاني، قيشداسا قاري
باهاردا گوللري اونودام گرک!
دئ نئجه اونودوم من سني نئجه؟
سئوگي دورنا دئييل پاييزدا کؤچه
يوخوما گليرسن منيم هر گئجه
آيلاري، ايللري اونودام گرک!
سنين خياليندير هسرتله باخان
آديندير هر ساعات قارشيما چيخان
قاريشيب شکلينه گؤزومدن آخان
ياغيشي، سئللري اونودام گرک!
سينمده پشيمان اورگيم قالدي
اوچدون اللريمده لعلگيم قالدي
نه لري ايتيريب، باخ نييم قالدي
نه لري، نه لري اونودام گرک!
نصرت کسمنلی
********
بیر یول اوسته
راستلاشدیق اوز-اوزه
نادان دئدیک بیر- بیریمیزه
آیریلدیق
ایکیمیزده بیر-بیریمیز حاقدا
زورنا چالا-چالا
سن من گلن یولا گئتدین
من سن گلن یولا
Bir yol ustə
rastlashdiq uz-uzə,
Nadan dedik bir-birimizə.
Ayrildiq
Ikimiz də bir-birimiz haqda
Zurna chala-chala.
Sən mən gələn yola getdin,
Mən sən gələn yola.
(Fikrət Qoca)
گـل بوٍتونلت مني گل هوْپ منه آزلانـمادايام
بـوروشوق مـاويجيييم هـوْپ! يـارامازلانمادايام
داليـبان يايليغينين ساپ ساري سـولغونلوغونا
-آي صمد سندن ايراق- چوخدان، آرازلانمادايام
يام ياشيل تئل هؤرولور سسليجه سنسيزليييمه
آنـد اولا بـارمـاغـينا-آستـاجا- سـازلانـمادايـام
بئـله تكلنمهدهيم گئت- گئده سنسيز ائله بـيل
قـاراباغ مسـجيدي ايچـره جَـنمازلانــمادايـام
باخــديغين آينادا، گؤز ايزلرينه قـالدي چـارام
مـن بـوغاز گـوٍزگولرين نسـلينه نـازلانـمادايام
صـوٍبحه دوغرو داشييـير، سن بويالي بـايراغيمي
گـوٍلـلهلنميش دوه، بوينـوندا قـوتازلانمادايـام
ياندي قيندي دئييلم شاختايا اومسوق جوجهجيم
اَيـه! يالنيز سنـه اوْوماجلـيجا يـازلانـمادايـام
گل سوٍزول شئعريمه، مئهلن خياليمدا قورخما
مـن قـيلينج آلميش اله سنده آيـازلانمـادايام
آتیلا کیشی زاده
بلکه بو یئرلره بیرده گلمدیم
بلکه بو یئرلره بیرده گلمدیم
دومان سالامات قال ، داغ سالامات قال
دالیمجا سو سپیر یوخسا بولاقلار
لئیسان سالامات قال ، باغ سالامات قال
...
قیی ووران قارتاللار یوخ اولدو چنده
نرگیزلر سولوخدو شئهلی چمنده
ای قارا گؤز پری ، دالیمجا سن ده
بویلان سالامات قال ، باخ سالامات قال
...
گلدیم قارشیلادی گول لر ، چیچک لر
گئدیرم ال ائدیر یوز بیچینکلر
نیدامی چایلارا دئدی کو لکلر
بولاخ سالامات قال ، آخ سالامات قال
...
داغلارین پلنگی شیری ده سن سن
شاعری ده سن سن ، شعری ده سن سن
بینی - برکتی خئیری ده سن سن
چوبان سالامات قال ، ساغ سالامات قال
ممد آراز
آیلار دولانیب
ایللرده کئچدی
و سن ...
منیم چون دونیایا گلدین
من ساندیم دونیا منیم دی
و سن بیر دوداق گولومسه دین
فصیللر دورمادان اؤتوشوب کئچدی
آنلادیم منیمسن آرتیق
و سن بیر دوداق گولومسه دین
کئچدی فصیللر
اؤتدوده ایللر
بیر منده خیاللار قالیب
بیرده سنده گولوشلر
ایندی ده هر آن دوشسن یادیما
او شیرین گولوشلر یاندیرار منی ...
و دونیام بیر کیچیک کؤرپه کیمی
سنین قوجاغیندا آغلایار مودام ...
هادی !
آت اللریندن کؤرپه لیییمی
بوراخ فصیللره دونه نیمیزی
دیرت ، داغیت
لاپ بوغدا بو گولوشلری ...
من سنی بیر دوداق
گولوشه سئودیم ...
بابک قوجا اوغلو
سئوگیلیم
ایکی گولوموز اولایدی
بیر آغ گول، بیر قیرمیزی گول
قیرمیزی گول سنین آغ گول منیم
سن منی اونودسان
قیرمیزی گولون سولسون
آما من سنی اونودسام
آغ گولوم کفنیم اولسون
گئتمک ایسته ییرسن بهانه سیز گئت
گئتمک ایسته ییرسن بهانه سیز گئتGetmək istəyirsən, bəhanəsiz get
اویاتما مورگولو خاطیره له ری Oyatma mürgülü xatirələri
سسین همین سسدیر باخیشین اوگئي Səsin həmin səsdir, baxışın ögey
گئدیرسن ، سسین ده یاد اولسون باریGedirsən, səsin də yad olsun barı
دوشه نيب يوللار تك آياغينا Döşənib yollartək ayaqlarına
سنه يالواريم مي...! بو مومكون دييل Sənə yalvarımmı... bu mümkün deyil!
قويمارام قلبيم تك ووقاريم سينا Qoymaram qəlbimtək vüqarım sına
آلچاليب ياشاماق عمور گون دئييل Alçalıb yaşamaq ömür-gün deyil!
گئتمك ايسته ييرسن...او يول، اودا سن Getmək istəyirsən...O yol, o da sən
بير جوت گوز باخاجاق آرخانجا سنين Bir cüt göz baxacaq arxanca sənin
گئتدين مي ... نه واختسا دونمك ايسته سن Getdinmi...Nə vaxtsa dönmək istəsən
تيكانلي ياستيغا دونه جك يئرين Tikanlı yastığa dönəcək yerin
گئتمك ايسته ييرسن... نه دانيش ،نه دين!Getmək istəyirsən...Nə danış, nə din
يوخ اول اوزاقلار تك دوماندا ، چنده ... ...Yox ol uzaqlartək dumanda,çəndə
نييمي سئوميشدين؟ دئيه بيلمه دين Nəyimi sevmişdin? Deyə bilmədin
اينديسه يوز عيب گورورسن مندهİndisə yüz eyib görürsən məndə
گئتمک ایسته ییرسن بهانه سیز گئتGetmək istəyirsən, bəhanəsiz get
اویاتما مورگولو خاطیره له ری Oyatma mürgülü xatirələri
سسین همین سسدیر باخیشین اوگئ Səsin həmin səsdir, baxışın ögey
گئدیرسن، سسین ده یاد اولسون باری... ...Gedirsən, səsin də yad olsun
نصرت كسمنلي
بيلديمكي بو نازيندان بير لحظه دايانمازسان
كونلومده اولان درده هرگيز سن اينانمازسان
معناسي نه دير دوشسم تورپاغينا ذيلت له؟
اؤپسم ده آياغيندان بيـر حاليمه يانمازسان
سوزوئـرميشدينكامهآمـمابونهتئزليكله
بيـرعومورگئـچيبگئـتدياوزوعدهنيدانمازسان
لاكـين بيلـيـرم لطفـا قـانيما بـولانمازسان
خاقانينينهردهن بيردؤيدونقاپيسينگـؤردون
قانمنزلـينيباسـميش،قـاچدينداهاآنمازسان
خاقانياؤز عشقينده ثابيت قدم اول جان قوي
باش گئتمه سه بويولدا وصليني قازانمازسان
خاقانی
گؤزلرين
چكير وارليغيمي دارا گؤزلري
آپارير روحومو هارا گؤزلرين
قارا بير محبس دير قارا گؤزلرين
بوراخ گؤزلرينين حبسيندن مني
...
يانديريب ياخماقدا اؤد قودرتي وار،
تکجه من بيليرم نه حيددتي وار،
، آخي جزانين دا بير مدتي وار،
بوراخ گؤزلرينين حبسيندن مني.
...
قالديم جاذيبه نده بيهوش کيمي يم
مرحمت گؤزله ين باخيش کيمي يم
قفسه سالينميش بير قوش کيمي يم
بوراخ گؤزلرينين حبسيندن مني
...
گونوم ائله سندن شيكايت اؤلوب،
بو سئوگي بير داستان ،حئكايت اؤلوب
محبت نه واخت دان جينايت اؤلوب
بوراخ گؤزلرينين حبسيندن مني
...
زيندانا كؤنوللو سالديم اؤزومي
عيبي يوخ، پاييزا دؤندريازيمي
من گوناه ايشله ديم آرتير جزامي
ساخلا گوزلرينين حبسينده مني
نصرت کسمنلی
نصرت کسمنلی
